درصاف توفيت بسبب خطأ و اهمال طبي في مصحة خاصة

 

درصاف توفيت بسبب خطأ و اهمال طبي في مصحة خاصة و تقريرها الطبي موجود في التعليق

درصاف كانت تنتظر بشوق اللقاء الاول الذي سيجمعها بابنتها التي رزقت بها بعد صبر طويل فارتكبتم جريمة في حقها و تُركت ابنتها الرضيعة "ياسمين" وحيدة بلا ام تبكي و تنتظر ان تستمع لصوت امها او ان تضمها لها فاذا بالعائلة السعيدة التي ازداد لها فرد ينقلب منزلها الى حزن بعد ان توفيت ابنتهم

درصاف كانت تفيق شوية تسأل تقلهم " ويني بنتي؟" ثم تدوخ مرة اخرى  و هذا تفاصيل ما حدث :

درصاف كانت حامل و عندها نقص في الحديد كل 4 ايام تحطلها الطبيبة في الحديد في العرق الطبيبة قالتلها بش تولد طبيعي رغم انو درصاف عندها اسباب تخليها ما تولدش بصفة طبيعية:

الحوض ضيق، و الرضيعة و وزنها و نقص الحديد... 

الاسباب هاذي خلات درصاف تتعب و ما تنجمش تولد و الرضيعة كادت تختنق... الطبيبة تدخلت بال forceps (بالماعون) و تسبتلها في نزيف بسبب تمزق عروق الرحم  و تسببتلها في ضرر في ال vessie زادوها  13 شكارة دم خاطر النزيف كان حاد

درصاف دخلت في غيبوبة مدة ٥ سوايع يديها تنفخت وماعادش تنجم تسكرها عاود صارلها نزيف اخر ما نجموش يسيطرو عليه بعثوها مالكلينيك لسبيطار وسيلة دخلوها بش تعمل عملية اخرى حلو الجرح لقاو الكرش معبية بالدم و رجعلها على بدنها حاولو بش يخيطو و يصلحو بش يوقفو النزيف لكن هي فرغت مالدم دخلت في غيبوبة مدة اربعة ايام و في رابع يوم حلت عينيها و سكرتهم لا تحركت و لا تكلمت

 عملولها سكانار بش يشوفو وضعيتها يلقاو المرارة طرشقت و المصارن تعفنت وصلت لمرحلة خايبة دقات قلبها ضعفو و الاكسيجين طاح في الدم حبوا يتدخلوا باجراء جراحي اخر اما قلبها وقف قبل ما تدخل للعملية